سوال: کیا ہیرے جواہرات پر بھی زکاۃ فرض ہے ؟ ۔
جواب: زکاۃ صرف تین قسم کے مالوں پر واجب ہوتی ہے ۔(۱)ثمن پرخواہ وہ خلقی ہو جیسے سونا ،چاندی یا اصطلاحی ہو جیسے روپے پیسے(۲)مال تجارت پر (۳)چرائی کے جانور ۔ان کے علاوہ کسی چیز پر زکاۃ نہیں ،ایساہی فتایٰ رضویہ جلد چہارم ص ۴۴۸میں ہے ۔اور فقیہ اعظم ہند حضور صدرالشریعہ علیہ الرحمۃ تحریر فرماتے ہیں : موتی اور جواہر پر زکاۃ واجب نہیں اگرچہ ہزاروں کے ہوں ہاں اگر تجارت کی نیت سے لیے تو واجب ہوگئی ۔
[بہارشریعت ،ج،احصہ پنجم ،ص: ۸۸۳،مطبوعہ مکتبۃ المدینہ]
خلاصہ یہ ہے کہ اگر ہیرے جواہرات بغرض تجارت ہو ں تو زکاۃ واجب ہے اور تجارت کے طور پر نہ ہوں تو زکاۃ واجب نہیں۔ واللہ تعالیٰ اعلم ۔